Urdu Zuban Pr Muntakhab Ashgar

اُردُو زُبان پر مُنتَخب اشعار

پچیس فروری انیس سو اڑتالیس عیسوی کو اردو کو قومی زبان قرار دیا گیا.اردو زبان ایک عظیم زبان ہے.

۔۔۔۔۔۔    ..........      ۔۔۔۔۔۔۔

ہم ہیں تہذیب کے علمبردار

ہم کو اردو زبان آتی ہے

(محمد علی ساحل)

۔۔۔۔۔۔۔۔

بات کرنے کا حسیں طور طریقہ سیکھا

ہم نے اردو کے بہانے سے سلیقہ سیکھا

(منیش شکلا)

۔۔۔۔۔۔۔۔۔

نہیں کھیل اے داغؔ یاروں سے کہہ دو

کہ آتی ہے اردو زباں آتے آتے

(داغؔ دہلوی)

۔۔۔۔۔۔۔۔۔۔

وہ کرے بات تو ہر لفظ سے خوشبو آئے

ایسی بولی وہی بولے جسے اردو آئے

(احمد وصی)

۔۔۔۔۔۔۔۔۔

اردو ہے جس کا نام ہمیں جانتے ہیں داغؔ

ہندوستاں میں دھوم ہماری زباں کی ہے

(داغؔ دہلوی)

۔۔۔۔۔۔۔۔

وہ عطر دان سا لہجہ مرے بزرگوں کا

رچی بسی ہوئی اردو زبان کی خوشبو

(بشیر بدر)

۔۔۔۔ِ۔۔۔۔۔۔

سلیقے سے ہواؤں میں جو خوشبو گھول سکتے ہیں

ابھی کچھ لوگ باقی ہیں جو اردو بول سکتے ہیں

(نامعلوم)

۔۔۔۔۔۔۔۔۔۔

میرا ہر شعر ہے اک راز حقیقت بیخودؔ

میں ہوں اردو کا نظیریؔ مجھے تو کیا سمجھا

(بیخود دہلوی)

۔۔۔۔۔۔۔۔۔۔۔۔۔

اردو جسے کہتے ہیں تہذیب کا چشمہ ہے

وہ شخص مہذب ہے جس کو یہ زباں آئی

(روش صدیقی)

۔۔۔۔۔۔۔۔۔۔۔۔